Солдат әзілі

Екі қыс өтті, екі жаз,
Кирзі етікті сүйретіп.
Түн ұйқыны төрт бөліп,
Ұйқыдан тұрдық күй кетіп.

Қара жолды шаңдатып,
Полигонға жүгірдік.
Қасымызға мұз қатып,
Қыста талай бүгілдік.

Айсыз түнда қараңғы,
Поста тұрдық әндетіп.
Екі сағат жүгірдік,
Жығылғанша әл кетіп.

Самарқандта көрдім мен,
Мынау күннің ыстығын.
Суыққа да көндім мен,
Өскеменде қысты күн.

Мойынға асып автомат,
Маршта жүрдік түн қатып.
Жиырма жасты артқа сап,
Жиырма бірді жылатып.

1967 жыл

Дидахмет
Әшімханұлы