Жолаушымын

Келемін мен келемін арман қуып,
Жатыр-ау бел-белеңдер алдан туып.
Өріменен биікке жетелеген,
Үмітімді үрлеймін қалған суып.

Жол жатыр биіктерге білек артып,
Балалығым барады сағым тартып.
Тершіген маңдайымды сүртіп тастап,
Келемін мен келешек жүгін артып.

Жолаушымын — көп әлі жетер жерім.
Балалықтың бал сыйы көтергенім
Өмірдің маған берген қарыздарын
Көрсем деймін соның бір өтелгенін.

 25 мамыр,1968 жыл

Дидахмет
Әшімханұлы